ആശുപത്രിയില് ചികിത്സയില് കഴിയുന്ന യുവതിയുടെ നില ഗുരുതരാവസ്ഥയിലാണ്. ഇന്നലെ ഉച്ചയ്ക്കാണ് പെരുമ്പാവൂര് സ്വദേശി നാദിര്ഷയും യുവതിയും കൈഞരമ്പ് മുറിച്ച ശേഷം കാന്തല്ലൂർ ഭ്രമരം വ്യൂ പോയിന്റിൽ നിന്ന് കൊക്കയിലേക്ക് ചാടിയത്.
ഇടുക്കി: മറയൂരില് കാമുകനൊപ്പം കൊക്കയില് ചാടിയ യുവതിയുടെ മൊഴി പുറത്ത്. കാമുകന് തന്നെ കൊല്ലാന് ശ്രമിച്ചെന്നാണ് യുവതിയുടെ മൊഴി. ആത്മഹത്യ ചെയ്യാന് തനിക്ക് താല്പ്പര്യമുണ്ടായിരുന്നില്ല. കാമുകന് നാദിര്ഷ ബലമായി ഞരമ്പ് മുറിയ്ക്കുകയായിരുന്നെന്നാണ് നിഖില പറയുന്നത്. ആശുപത്രിയില് ചികിത്സയില് കഴിയുന്ന യുവതിയുടെ ആരോഗ്യ നില ഗുരുതരാവസ്ഥയിലാണ്. ഇന്നലെ ഉച്ചയ്ക്കാണ് പെരുമ്പാവൂര് സ്വദേശി നാദിര്ഷയും നിഖിലയും കൈഞരമ്പ് മുറിച്ച ശേഷം കാന്തല്ലൂർ ഭ്രമരം വ്യൂ പോയിന്റിൽ നിന്ന് കൊക്കയിലേക്ക് ചാടിയത്. ആത്മഹത്യാ ശ്രമത്തിന് മുമ്പ് കാര്യങ്ങള് വിശദീകരിച്ച് സുഹൃത്തുക്കള്ക്ക് നാദിര്ഷ വീഡിയോ അയച്ച് കൊടുത്തിരുന്നു.
നാദിർഷയും മറയൂർ ജയ്മാതാ സ്കൂളിലെ അധ്യാപികയായ നിഖിലയും ഏറെ നാളായി സ്നേഹത്തിലായിരുന്നു. ഇതിനിടെ നാദിർഷർയ്ക്ക് വേറെ വിവാഹം ഉറപ്പിച്ചു. ഇതറിഞ്ഞ നിഖില നാദിഷയെ വിളിച്ചു. മറയൂർ കാന്തല്ലൂർ റൂട്ടിൽ വണ്ടി നിർത്തി വീഡിയോ ഷൂട്ട് ചെയ്ത് സുഹൃത്തുക്കള്ക്ക് അയച്ച് കൊടുത്തു. പിന്നാലെ കൈഞരമ്പ് മുറിച്ച ശേഷം കാന്തല്ലൂർ ഭ്രമരം വ്യൂ പോയിന്റിൽ നിന്ന് കൊക്കയിലേക്ക് ചാടുകയായിരുന്നു. ഉച്ച കഴിഞ്ഞ് മൂന്ന് മണിയോടെ വിനോദ സഞ്ചാരികളാണ് അവശനിലയിൽ പാറപ്പുറത്ത് കിടക്കുന്ന യുവതിയെ കണ്ടെത്തിയത്. ഇവർ നൽകിയ വിവരം അനുസരിച്ച് നാട്ടുകാരും പൊലീസും നടത്തിയ തിരച്ചിലിൽ നാദിർഷയുടെ മൃതദേഹം കിട്ടി
