മാഡ്രിഡ്: തത്സമയ റിപ്പോര്‍ട്ടിംഗിനിടെ മാധ്യമപ്രവര്‍ത്തകയ്ക്കുനേരേ ലൈംഗികാതിക്രമം. സ്പാനിഷ് ചാനലിലെ മാധ്യമപ്രവര്‍ത്തകയെയാണ് യുവാവ് അപമാനിച്ചത്.ഇയാളെ അറസ്റ്റ് ചെയ്തതായി സ്പാനിഷ് പോലീസ് അറിയിച്ചു. ഇസ ബലാഡോ എന്ന റിപ്പോര്‍ട്ടര്‍ക്കാണ് ഈ ദുരനുഭവം ഉണ്ടായത്. ഈ ദൃശ്യങ്ങള്‍ സമൂഹമാധ്യമങ്ങളില്‍ വൈറലാകുകയാണ്.
മാഡ്രിഡിലെ ഒരു തെരുവില്‍നിന്ന് തത്സമയം വാര്‍ത്ത റിപ്പോര്‍ട്ട് ചെയ്യുന്നതിനിടെ ഒരു യുവാവ് മാധ്യമപ്രവര്‍ത്തകയുടെ ശരീരത്തില്‍ മോശമായി സ്പര്‍ശിക്കുകയായിരുന്നു.
ബലാഡോ റിപ്പോര്‍ട്ടിംഗ് തുടര്‍ന്നെങ്കിലും പ്രോഗ്രാം അവതാരകൻ നാച്ചോ അബാദ് അത് തടസപ്പെടുത്തി. തന്‍റെ പുറകില്‍ സ്പര്‍ശിച്ചെന്ന് ബലാഡോ സ്ഥിരീകരിച്ചതോടെ ആ “ഇഡിയറ്റിനെ’ കൂടി കാമറയില്‍ കാണിക്കാൻ അബാദ് ആവശ്യപ്പെട്ടു.മോശമായി സ്പര്‍ശിച്ചതിനെക്കുറിച്ച്‌ ബലാഡോ യുവാവിനോടു ചോദിച്ചെങ്കിലും തമാശയോടു കൂടി അയാള്‍ അതു നിഷേധിച്ചു. പിന്നീട് തിരിച്ചുനടക്കുമ്ബോള്‍ അയാള്‍ മാധ്യമപ്രവര്‍ത്തകയുടെ തലയില്‍ തൊടുന്നതും വീഡിയോയില്‍ കാണാം.
മോശമായി സ്പര്‍ശിച്ചതിനെക്കുറിച്ച്‌ ബലാഡോ യുവാവിനോടു ചോദിച്ചെങ്കിലും തമാശയോടു കൂടി അയാള്‍ അതു നിഷേധിച്ചു. പിന്നീട് തിരിച്ചുനടക്കുമ്ബോള്‍ അയാള്‍ മാധ്യമപ്രവര്‍ത്തകയുടെ തലയില്‍ തൊടുന്നതും വീഡിയോയില്‍ കാണാം.
